Fréttir

Fyrir skömmu veitti Kristján Þór Júlíusson heilbrigðisráðherra sex milljónir króna samtals í styrki til 12 gæðaverkefna á sviði heilbrigðisþjónustu. Styrkir voru annars vegar veittir til verkefna sem miða að nýbreytni í verklagi innan heilsugæslunnar og hins vegar verkefna sem ætlað er að efla þverfaglegt samstarf. Sigríður Lóa Jónsdóttir sálfræðingur á Greiningarstöð hlaut styrk til verkefnisins „Að bera kennsl á einhverfu í ung- og smábarnavernd“

Landssamtökin Þroskahjálp halda opinn stefnumótunarfund að Háaleitisbraut 13, 4. hæð, laugardaginn 12. mars kl. 13:00 - 16:00. Tilefnið er að á þessu ári eru liðin fjörutíu frá stofnun Landssamtakanna Þroskahjálpar.

Nýlega birtist grein á vefsíðu Embættis landlæknis um stöðu þekkingar varðandi mataræði barna með ADHD eða einhverfu - staða þekkingar 2016. Höfundar efnis um AHDH og mataræði er dr. Bryndís Eva Birgisdóttir, dósent við Háskóla Íslands, og höfundur efnis um einhverfu og mataræði og um matvendni barna er dr. Anna Sigríður Ólafsdóttir, dósent við Háskóla Íslands.

Dagana 1. - 4. júní verður haldin alþjóðleg ráðstefna í Stokkhólmi um CP-hreyfihömlun og aðrar fatlanir hjá börnum. Ráðstefnan er ætluð fagfólki sem starfar með fötluðum börnum og ungmennum á sviði læknisfræði, félagsvísinda og menntamála. Á dagskránni verður einnig efni sem höfðar til foreldra og fjölskyldna fatlaðra barna.

Dagana 16. - 18. september verður alþjóðleg ráðstefna um einhverfu haldin í Edinborg. Þetta er ellefta ráðstefnan sem samtökin Autism-Europe standa fyrir. Markmiðið með starfi samtakanna er að stuðla að bættum réttindum og lífsgæðum einhverfra og fjölskyldna þeirra.

Alþjóðlegur dagur sjaldgæfra sjúkdóma var í gær þann 29. febrúar. Í tilefni hans stóðu Greiningarstöð og Einstök börn fyrir málþingi á Hilton Nordica. Málþingið var vel sótt og tóku um 90 manns þátt en áhersla var á þjónustu við börn og unglinga í þessum hópi.

Eygló Harðardóttir, félags- og húsnæðismálaráðherra, hefur ákveðið að skipa Soffíu Lárusdóttur í embætti forstöðumanns Greiningar- og ráðgjafarstöðvar ríkisins. Þriggja manna hæfnisnefnd mat Soffíu hæfasta úr hópi umsækjenda. Skipað er í embættið til fimm ára

Árleg vorráðstefna Greiningar- og ráðgjafarstöðvar ríkisins verður haldin 12. og 13. maí 2016.

Hugarfar, félag fólks með ákominn heilaskaða, aðstandenda og áhugafólks um málefnið, stendur fyrir ráðstefnu um ákominn heilaskaða þann 18. mars næstkomandi á Grand Hótel frá kl. 9.00-11.45. Aðalfyrirlesari ráðstefnunnar er Kevin Pearce, fyrrum atvinnumaður á snjóbrettum og rekur í dag góðgerðasamtökin Love Your Brain, sem hann stofnaði eftir að hann sjálfur lenti í slysi við æfingar árið 2009 og hlaut ákominn heilaskaða.

Ríkisendurskoðun hefur gefið út skýrslu til Alþingis um stöðuna í geðheilbrigðisþjónustu barna og unglinga hér á landi. Í henni kemur meðal annars fram að biðtími eftir úrræðum er allt of langur og gengur gegn lögbundnum skyldum ríkisins. Biðin hafi veruleg neikvæð áhrif á velferð barna með geðrænan vanda og fjölskyldur þeirra. Settar eru fram ábendingar til velferðarráðuneytis um að meta raunverulega þörf þessa hóps fyrir ítar- og sérfræðiþjónustu í geðheilbrigðismálum þannig að unnt sé að setja inn markvissar aðgerðir.