Ráðgjafar- og greiningarstöð hefur náð öðrum áfanga í verkefninu Græn skref, sem er umhverfisstjórnunarkerfi fyrir ríkisstofnanir og fyrirtæki í meirihlutaeigu ríkisins. Markmið verkefnisins er að draga úr neikvæðum umhverfisáhrifum starfsemi og efla umhverfisvitund á vinnustöðum.

Við bjóðum nú í fyrsta sinn upp á fræðslu um einhverfurófið á pólsku í samvinnu við Katarzynu Kubis verkefnastjóra hjá Þroskahjálp. Námskeiðið er ætlað pólskumælandi foreldrum og fagfólki sem annast, styðja og kenna börnum á einhverfurófi. Fjallað verður um einkenni einhverfu, greiningu og mikilvægi samstarfs foreldra og fagfólks.