Ráðgjafar- og greiningarstöð hélt kynningu og þjálfun um námsefnið Sambönd og samskipti fyrir ungmenni (Relationships Decoded for Adolescents) dagana 5. og 6. október. Fjórir fyrirlesarar komu frá Bandaríkjunum til að kynna efnið og þjálfa fagfólk í notkun þess. Um 70 þátttakendur sóttu kynninguna fyrri daginn og um 50 tóku þátt í þjálfuninni þann síðari.

Ráðgjafar- og greiningarstöð auglýsir laus til umsóknar störf tveggja sálfræðinga. Leitað er að einstaklingum sem hafa brennandi áhuga á að starfa að fjölbreyttum verkefnum tengdum fötluðum börnum og fjölskyldum þeirra með þverfaglegu teymi starfsfólks stofnunarinnar.

Ráðgjafar- og greiningarstöð flytur starfsemi sína tímabundið að Lágmúla 9, 5. hæð, 108 Reykjavík. Starfsemi í nýja húsnæðinu hefst í næstu viku. Við hlökkum til að taka á móti börnum, fjölskyldum og öðrum gestum á nýjum stað.

Nú er aðgengileg á íslensku handbók um hvernig nýta má niðurstöður SIS-A við einstaklingsmiðaða áætlanagerð og skipulag stuðnings. Handbókin er ætluð teymum og fagfólki sem koma að gerð einstaklingsbundinna þjónustuáætlana samkvæmt 12. gr. laga nr. 38/2018 um þjónustu við fatlað fólk með langvarandi stuðningsþarfir. Í henni er fjallað um hvernig niðurstöður SIS-A geta nýst við að greina stuðningsþarfir, setja einstaklingsmiðuð markmið og skipuleggja viðeigandi stuðning.

Húsnæði Ráðgjafar- og greiningarstöðvar að Dalshrauni 1b, Hafnarfirði, er lokað vegna óviðráðanlegra aðstæðna um óákveðinn tíma.

Ráðgjafar- og greiningarstöð auglýsir laust til umsóknar starf sérfræðings við Mat á stuðningsþörf. Leitað er að sérfræðingi sem hefur brennandi áhuga á að starfa að verkefnum tengdum stuðningsþörfum fatlaðra barna og fullorðinna og mati á umfangi stuðningsþarfa.

Ráðgjafar- og greiningarstöð er lokuð frá 6.júlí og opnum við aftur 4.ágúst kl. 10:00.

Einstakt tækifæri – höfundar námsefnisins Relationships Decoded koma til Íslands. Ráðgjafar- og greiningarstöð býður upp á kynningu og þjálfun vegna námsefnisins Relationships Decoded for Adolescents, eða Sambönd og samskipti fyrir ungmenni. Um er að ræða glænýtt gagnreynt kennsluefni um sambönd og samskipti, ætlað ungmennum með öðruvísi taugaþroska.

Ráðgjafar- og greiningarstöð hefur gefið út Leiðbeiningar um greiningu einhverfu samkvæmt ICD-11 og skráningu með ICD-10 kóðum. Leiðbeiningarnar eru hluti af uppfærðu og samræmdu verklagi við greiningu einhverfu hér á landi. Á síðustu tveimur áratugum hafa orðið mikilvægar breytingar á alþjóðlegri skilgreiningu einhverfu. Í nýrri flokkunarkerfum, meðal annars DSM-5 og ICD-11, er horfið frá aðgreindum undirflokkum einhverfu. Í staðinn er litið á einhverfu sem eina samfellda greiningu, einhverfurófsröskun (e. autism spectrum disorder).