Ráðgjafar- og greiningarstöð sinnir börnum og ungmennum með alvarlegar þroskaskerðingar sem þarfnast sérhæfðrar greiningar, ráðgjafar og eftirfylgdar. Algengustu ástæður tilvísunar eru grunur um einhverfu og skyldar raskanir, þroskahömlun og hreyfihamlanir.

Áður en barni eða ungmenni er vísað til Ráðgjafar- og greiningarstöðvar þarf frumgreining að hafa farið fram. Með frumgreiningu er átt við að fyrstu athuganir, mat og þroskamælingar hafi farið fram í nærumhverfi barnsins, til dæmis á vegum sérfræðiþjónustu leikskóla eða grunnskóla, heilsugæslu eða sjálfstætt starfandi sérfræðinga.

Þjónustan byggir á heildstæðri og fjölskyldumiðaðri nálgun þar sem lögð er áhersla á samvinnu við fjölskyldu barnsins og þá fagaðila sem koma að þjónustu í nærumhverfi þess. Foreldrar eru hvattir til að taka virkan þátt í þjónustuferlinu og ákvörðunum er varða þjónustu fyrir barnið og fjölskylduna.

Tilvísun til Ráðgjafar- og greiningarstöðvar

Tilvísun skal byggja á fyrirliggjandi upplýsingum um þroska, færni og stöðu barnsins. Í tilvísun þarf að koma fram skýr lýsing á ástæðu tilvísunar og hvaða athuganir, mat eða íhlutun hefur þegar farið fram.

Mikilvægt er að kynna sér hvaða gögn þurfa að fylgja tilvísun og hvaða frumgreining þarf að hafa farið fram áður en tilvísun er send.

Nánari upplýsingar má finna hér: 

Upplýsingar um hvaða athuganir, mat og gögn þurfa að liggja fyrir áður en tilvísun er send.

Eyðublöð og upplýsingar sem þarf til að senda inn tilvísun til Ráðgjafar- og greiningarstöðvar.

Upplýsingar um hvaða börn og ungmenni falla undir þjónustu Ráðgjafar- og greiningarstöðvar.

Upplýsingar um hverjir geta sent inn tilvísun.

Nánari upplýsingar um markhópa stofnunarinnar og viðmið fyrir þjónustu.