Athugið að listinn er ekki tæmandi. Ráðgjafar- og greiningarstöð ber ekki ábyrgð á þeim námskeiðum sem hér eru auglýst.

Börnum með erlendan bakgrunn er oftar vísað á Ráðgjafar- og greiningarstöð (RGR) en börnum af íslenskum uppruna, samkvæmt nýrri rannsókn sem birt var í vísindaritinu European Child & Adolescent Psychiatry. Rannsóknin ber heitið Rate differences in referrals and diagnostic outcomes of neurodevelopmental disorders between children with native and migrant backgrounds: a retrospective cohort study og var styrkt af Þróunarsjóði innflytjendamála. Höfundar hennar eru Emilía Guðmundsdóttir, Helen M. Frigge, Evald Sæmundsen, Kolbrún B. Jensínudóttir og Urður Njarðvík.

Þetta er tíunda samnorræna ráðstefnan um fæðuinntökuerfiðleika barna – Nordic Pediatric Feeding Disorder Conference. Að þessu sinni beinist ráðstefnan að málefnum er varða næringu um magaslöngu: fæðugjafir í gegnum slöngu, aðdraganda slíkra inngripa, lífið með magaslöngu, auk þess sem fjallað verður um leiðir til að örva fæðuinntöku um munn og draga úr þörf fyrir næringu í gegnum slöngu (tube weaning). Gert er ráð fyrir kynningu á tilfellum frá hverju landi og munu Heiða D. Sigurjónsdóttir talmeinafræðingur og Erna Petersen næringarfræðingur á Landspítala, m.a. kynna tilfelli frá Íslandi.

Ráðgjafar- og greiningarstöð fékk Stacy Everson, sérfræðing í kynfræðslu, til landsins að frumkvæði Maríu Jónsdóttur sem heldur utan um námskeiðið.

Ráðgjafar- og greiningarstöð auglýsir laust til umsóknar starf sjúkraþjálfara. Leitað er að einstaklingi sem hefur brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks stofnunarinnar.

Metþátttaka á vel heppnaðri vorráðstefnu um fötluð börn með fjölbreyttan menningar- og tungumálabakgrunn Hin árlega vorráðstefna Ráðgjafar- og greiningarstöðvar fór fram dagana 8. og 9. maí 2025 á Hilton Reykjavík Nordica og var einnig streymt á netinu. Í ár var hún haldin í samstarfi við Landssamtökin Þroskahjálp undir yfirskriftinni Fötluð börn og fjölbreyttur menningar- og tungumálabakgrunnur – áskoranir og tækifæri. Um 550 þátttakendur sóttu ráðstefnuna, þar af um 100 í gegnum streymi – sem gerir hana að einni stærstu ráðstefnu RGR til þessa.

Í dag, 30. apríl 2025, er síðasti dagur til að skrá sig á vorráðstefnu 2025.

Hin árlega vorráðstefna Ráðgjafar- og greiningarstöðvar, verður haldin 8. og 9. maí 2025 á Hilton Reykjavík Nordica og í streymi. Í ár er ráðstefnan haldin í samvinnu við Landssamtökin Þroskahjálp.

Dagur einhverfu er 2. apríl ár hvert og er fjölbreytileika einhverfurófsins fagnað með því að fólk klæðist regnbogans litum.

Í dag er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim.  Sameinuðu þjóðirnar lýstu því formlega yfir árið 2011 að Downs heilkenni væri erfðabreytileiki sem fylgt hefur mannkyninu frá upphafi og að 21. mars væri Alþjóðadagur Downs heilkennis. Einstaklingar með Downs heilkenni eiga að hafa sama rétt til lífsgæða og samfélagsþátttöku og aðrir landsmenn.