Guðný Stefánsdóttir, sviðsstjóri á Mati á stuðningsþörf hjá Ráðgjafar- og greiningarstöð, hefur verið tilnefnd heiðursfélagi í bandarískum samtökum sem bera nafnið American Association on Intellectual and Developmental Disabilities (AAIDD) en hún er fyrsti Íslendingurinn til að hljóta þennan einstaka heiður. Samtökin, sem voru stofnuð árið 1876, eru elstu og virtustu samtök fagfólks og annarra sem vinna með og að velferð fólks með fatlanir og þroskafrávik í Norður Ameríku. Félagar innan samtakanna stuðla að framsæknu rannsóknarstarfi, viðurkenndu verklagi og mannréttindum fyrir fatlað fólki og fólk með þroskafrávik.

Systkinasmiðja fyrir börn á aldrinum 7 - 11 ára verður kennd í húsnæði Ráðgjafar- og greiningarstöðvar um næstu helgi, 14. - 15. janúar. Helgina 4. - 5. febrúar verður Systkinasmiðja fyrir börn á aldrinum 12 - 14 ára. Námskeiðið er ætlað systkinum fatlaðra barna og barna með þroskafrávik. Börnin leysa verkefni með leiðbeinendum, ræða stöðu sína innan fjölskyldunnar, skólans og meðal vina. Einnig ræða þátttakendur hvernig þeir leysa úr erfiðleikum sem verða á vegi þeirra, meðal annars vegna systkina og margt fleira.

Fyrsta námskeið vorannar á nýju ári hefst þann 9. janúar nk. en þá verður kennt hið sívinsæla námskeið Einhverfurófið - grunnnámskeið en því er ætlað aðstandendum og starfsfólki sem sinnir umönnun, þjálfun og kennslu barna á einhverfurófi. Fjallað er um einhverfurófið, helstu einkenni einhverfu og birtingarform þeirra, greiningu, álag á fjölskylduna og samstarf foreldra og fagfólks. námskeiðum með afmarkaðari viðfangsefnum.

Skýrsla um könnun sem gerð var um stuðningsþarfir fjölskyldna barna á langtímaeftirfylgd RGR á sl. ári má nálgast á vef RGR. Niðurstöður þessarar könnunarinnar voru einnig kynntar á vorráðstefnu RGR. Þá voru einnig tekin viðtöl við foreldra tveggja fatlaðra barna sem lýsa upplifun sinni af þjónustunni sem einnig má sjá á vef stofnunarinnar..

Starfsfólk Ráðgjafar- og greiningarstöðvar óskar vinum, samstarfsfólki og velunnurum gleðilegra jóla og farsældar á komandi ári. Þökkum góð samskipti og samvinnu á liðnu ári. Athugið að afgreiðsla stöðvarinnar er lokuð 27. og 28. des. nk.

Námskeiðsdagskrá Ráðgjafar- og greiningarstöðvar á vorönn 2023 er aðgengileg á vef stöðvarinnar. Alls verða 23 námskeið kennd á tímabilinu frá 9. janúar til 27. apríl 2023; allt námskeið sem henta aðstandendum barna með þroskafrávik og fatlanir sem og fagfólki sem vinnur með börnum.

Skjöl um uppáhaldsorð í þroska barna sem nýtast foreldrum og fagfólki sem vinnur með börnum með fatlanir hafa verið þýdd á íslensku. Orð þessi eru nefnd F-words á ensku og hafa því oft verið kölluð F-orðin á íslensku en í ljósi þess að eitt orðið byrjar á „v" (Vinir) var brugðið á það ráð að kalla þau „uppáhaldsorð". Uppáhaldsorðin byggja á hugmyndafræðilegum ramma um Alþjóðlegt flokkunarkerfi um færni, fötlun og heilsu (ICF) frá Alþjóðaheilbrigðismálastofnuninni (WHO).

Síðastliðin tvö ár hafa María Jónsdóttir félagsráðgjafi og Thelma Rún van Erven sálfræðingur, sem eru báðar starfsmenn Ráðgjafar- og greiningarstöðvar, tekið þátt í Erasmus samstarfsverkefni fyrir hönd stofnunarinnar. Verkefnið kallast HEDY (Health Education for Disabled Youth) og var markmið þess að styðja við þróun námsefnis í tengslum við kynheilbrigði fyrir börn og unglinga með frávik í þroska.

Hefur þú brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks Ráðgjafar- og greiningarstöðvar? Auglýst er laust til umsóknar starf iðjuþjálfa á sviði Langtímaeftirfylgdar. Langtímaeftirfylgd sinnir fötluðum börnum og unglingum sem ætla má að þurfi sérhæfða þjónustu til lengri tíma. Þjónusta sviðsins er þverfagleg og tekur mið af þörfum barna og fjölskyldna þeirra. Byggt er á ráðgjafar- og teymisvinnu með áherslu á fjölskyldumiðaða þjónustu.

Á nýlegu málþingi ADHD samtakanna sem haldið var á Grand Hótel voru afhent Hvatningaverðlaun samtakanna. KFUM/K voru þess heiðurs aðnjótandi í þetta sinn en starfsmaður Ráðgjafar- og greiningarstöðvar, Styrmir Magnússon félagsráðgjafi, var meðal þriggja aðila á vegum KFUM/K sem veitti verðlaununum viðtöku.