Fréttir

Vel heppnuð vorráðstefna Ráðgjafar- og greiningarstöðvar var haldin í byrjun maí

Einkar vel heppnuð vorráðstefna Ráðgjafar- og greiningarstöðvar var haldin á Hilton Reykjavík Nordica 2. og 3. maí síðastliðinn undir yfirskriftinni Kynheilbrigði og fjölbreyttur taugaþroski – Mætum ólíkum þörfum frá bernsku til fullorðinsára. Ráðstefnan er talin marka ákveðin tímamót í vitundarvakningu og þekkingu hvað varðar kynheilbrigði og fjölbreyttan taugaþroska. Þátttaka var frábær en rúmlega 430 aðilar sóttu ráðstefnuna og þar af voru rúmlega 90 skráðir í streymi. Töluverð þátttaka aðstandenda var á ráðstefnunni og þátttakendur komu víða úr þjónustukerfinu t.d. leik-, grunn- og framhaldsskólum, félags- og skólaþjónustu, félagsmiðstöðvum, heilsugæslu, búsetuþjónustu og skammtímadvöl, barnavernd, barna- og fjölskyldustofu, Æfingastöðinni og frá hagsmunasamtökum.

Þrjú störf laus til umsókna á Ráðgjafar- og greiningarstöð

Ráðgjafar- og greiningarstöð auglýsir laust til umsóknar starf ráðgjafa í snemmtækri íhlutun á Yngri barna sviði, starf talmeinafræðings á Yngri barna sviði og starf talmeinafræðings á sviði Langtímaeftirfylgdar. Leitað er að einstaklingum sem hafa brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks stofnunarinnar.

Dagskrá vorráðstefnu Ráðgjafar- og greiningarstöðvar komin í loftið!

Hin árlega vorráðstefna Ráðgjafar- og greiningarstöðvar, verður haldin 2. og 3. maí 2024 á Hilton Reykjavík Nordica og í streymi. Ráðstefnan mun standa í einn og hálfan dag en henni lýkur 12:30 föstudaginn 3. maí.

Skráning hafin! Vorráðstefna Ráðgjafar- og greiningarstöðvar 2024

Nú hefur verið opnað fyrir skráningu á árlega vorráðstefnu Ráðgjafar- og greiningarstöðvar sem haldin verður 2. og 3. maí 2024 á Hilton Reykjavík Nordica og í streymi. Yfirskrift ráðstefnunnar í ár er Kynheilbrigði og fjölbreyttur taugaþroski - Mætum ólíkum þörfum frá bernsku til fullorðinsára.

Talmeinafræðingur til afleysinga

Ráðgjafar- og greiningarstöð auglýsir laust til umsóknar starf talmeinafræðings á Yngri barna sviði. Á sviðinu er veitt þjónusta við ung börn og börn á leikskólaaldri og fjölskyldur þeirra. Leitað er að einstaklingi sem hefur brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks stofnunarinnar. Viðkomandi mun einnig vinna verkefni á Eldri barna sviði en þar er veitt þjónusta vegna barna á grunn- og framhaldsskólaaldri. Um er að ræða afleysingarstarf til allt að 12 mánaða.

Fræðsla fyrir foreldra - Unglings og kynþroskaárin

Fjarnámskeið: Atferlisíhlutun

Fjarnámskeið um atferlisíhlutun fyrir börn með þroskafrávik! Námskeiðið er 13. og 14. mars 2024 á zoom.

Fræðslunámskeið - Kvíði barna á einhverfurófi

Námskeiðið er nýtt hagnýtt fræðslunámskeið um kvíða þar sem farið er yfir helstu einkenni kvíða hjá ungum börnum á einhverfurófi. Farið verður yfir aðferðir til að draga úr kvíðaeinkennum barna og minnka líkur á hamlandi kvíða síðar á lífsleiðinni. Milli tíma vinna foreldrar heimaverkefni sem snúa að því að draga úr kvíðaeinkennum barna sinna. Mælt er með er að foreldrar mæti í báða tímana.

Glitraðu með einstökum börnum!

Málþing á degi sjaldgæfra sjúkdóma og heilkenna, 29. febrúar!

Sjúkraþjálfari óskast á Ráðgjafar- og greiningarstöð

Ráðgjafar- og greiningarstöð auglýsir laust til umsóknar starf sjúkraþjálfara á Yngri barna sviði. Á sviðinu er veitt þjónusta við ung börn og börn á leikskólaaldri og fjölskyldur þeirra.