Fréttir

Hin árlega vorráðstefna Ráðgjafar- og greiningarstöðvar verður haldin á Hilton Reykjavík Nordica og í streymi dagana 7. og 8. maí 2026. Í ár verður ráðstefnan haldin í samvinnu við Gló-Æfingastöð. Yfirskrift ráðstefnunnar er: Sköpum tækifæri – þátttaka og framtíð fatlaðra barna.

Starfsfólk Ráðgjafar- og greiningarstöðvar óskar gleðilegra jóla og farsældar á komandi ári. Við þökkum kærlega fyrir gott samstarf og ánægjuleg samskipti á árinu.

Við erum glöð að kynna nýja og spennandi námskeiðsdagskrá fyrir fagfólk og aðstandendur barna með öðruvísi taugaþroska. Í dagskránni má finna almenna fræðslu, hagnýtar upplýsingar og sértæk íhlutunarnámskeið sem miða öll að stuðningi, valdeflingu og fagþróun.

Guðmundur Ingi Kristinsson, mennta- og barnamálaráðherra, hefur skipað Sigurbjörgu Fjölnisdóttur í embætti forstjóra Ráðgjafar- og greiningarstöðvar. Hún tók við starfinu 1. desember 2025 og er skipuð til fimm ára.

Landspítali hefur undirritað samstarfssamning við Ráðgjafar- og greiningarstöð (RGR) og Geðheilsumiðstöð barna (GMB) um sérnám í barna- og unglingageðlækningum. Samningurinn var undirritaður 5. nóvember og markar mikilvægt skref í því að fjölga sérfræðilæknum á þessu sviði og efla þjónustu við börn og ungmenni um allt land.

Fimm starfsmenn Ráðgjafar- og greiningarstöðvar tóku þátt í fjórtándu alþjóðlegu ráðstefnunni Autism Europe sem haldin var í Dublin dagana 11.–13. september 2025. Ráðstefnan fór fram í RDS ráðstefnuhöllinni og var skipulögð í samstarfi við erlenda og innlenda fag- og hagsmunaaðila.

Ráðgjafar- og greiningarstöð auglýsir laust til umsóknar starf sérfræðings við Mat á stuðningsþörf. Leitað er að sérfræðingi sem hefur brennandi áhuga á að starfa að verkefnum tengdum stuðningsþörfum fatlaðra barna og fullorðinna og mati á umfangi stuðningsþarfa.

Ráðgjafar- og greiningarstöð auglýsir laust til umsóknar starf læknis. Leitað er að öflugum lækni sem hefur brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks stofnunarinnar. Barnalæknar auk unglækna sem eru í sérfræðinámi í barnalækningum eða á leið í slíkt nám eru sérstaklega hvattir til að sækja um.

Þrettán starfsmenn Ráðgjafar- og greiningarstöðvar tóku þátt í alþjóðlegu ráðstefnunni International Society on Early Intervention (ISEI) sem haldin var í Lissabon dagana 2.–5. september 2025.

Ráðgjafar- og greiningarstöð auglýsir laust til umsóknar starf ritara á stofnuninni sem verður staðsettur í móttöku hennar. Leitað er að jákvæðum einstaklingi sem hefur ríka þjónustulund til að sinna fjölbreyttum verkefnum.