Formaður og framkvæmdastjóri Þroskahjálpar funduðu í morgun með Sigríði Á. Andersen, dómsmálaráðherra. Á fundinum var farið yfir ýmsar ráðstafanir og aðgerðir sem Landssamtökin Þroskahjálp telja að stjórnvöld þurfi að grípa til, eigi þau að standa við skuldbindingar sínar varðandi mannréttindi sem kveðið er á um í fjölþjóðlegum samningum sem Ísland hefur undirgengist.

Dagana 22. og 23. mars næst komandi verður haldið námskeið í myndræna boðskiptakerfinu PECS (Picture Exchange Communication System) en það er óhefðbundin boðskiptaleið þróuð af Frost og Bondy (1994) fyrir börn með einhverfu.

Hjá velferðarsviði Reykjavíkurborgar fer nú af stað nýtt verkefni um þjónustu við fötluð ungmenni á aldrinum 17 - 22 ára. Verkefnið stendur yfir í þrjú ár og er tilgangur þess að auðvelda ungmennum að flytja að heiman og búa fjarri foreldrum.

Einhverfusamtökin hafa sett nýja heimasíðu í loftið og þar má finna fræðsluefni um einhverfu sem unnið var í tengslum við fræðsluátak samtakanna. Fræðsluefnið er hugsað fyrir einhverft fólk með áherslu á grunn- og framhaldsskólaaldurinn, foreldra, aðra aðstandendur, fagfólk í félags- og heilbrigðisþjónustu, kennara og starfsfólk skóla auk almennings.

Vakin er athygli á nýjum vef þar sem finna má fræðsluefni um samskipti og kynheilbrigði. Í kynningu segir meðal annars að fræðsla og forvarnir séu mikilvægt tæki til að efla þátttöku fatlaðs fólks og leiðbeina því í hinu margbreytilega samfélagi sem við búum í.

Íþróttafélag fatlaðra í Reykjavík býður upp á íþróttaskóla á laugardögum frá kl. 11:00 - 11:50. Lögð er áhersla á þátttöku barna með hreyfihömlun á aldrinum 4-10 ára.

PEERS® - Félagsfærniþjálfun er nýtt námskeið sem er ætlað 13-17 ára unglingum sem eru með ADHD, einkenni einhverfu, kvíða, þunglyndi og aðra erfiðleika í félagslegum samskiptum og foreldrum þeirra.

Höfum opnað fyrir skráningu á námskeiðinu „Skimun og frumgreining einhverfurófsraskana með áherslu á notkun CARS 2“.

Námskeiðið er ætlað grunnskólakennurum og öðru starfsfólki í grunnskólum sem tengjast málum nemenda á einhverfurófi. Það byggir á hugmyndafræði hagnýtrar atferlisgreiningar með áherslu á þekktar leiðir til árangurs.

Degi sjaldgæfra sjúkdóma er fagnað ár hvert á síðasta degi febrúarmánaðar. Markmiðið er að vekja athygli almennings og stjórnvalda á sjaldgæfum sjúkdómum og áhrifum þeirra á líf einstaklinga.