Í júní síðast liðnum var hópur meistaranema í atferlisgreiningu ásamt tveim kennurum frá Regis College í Boston í heimsókn hér á landi. Tilgangur heimsóknarinnar var að vinna með stuðningsaðilum leikskólabarna sem fá snemmtæka heildstæða atferlisíhlutun.

Vekjum athygli á að skráningu á ráðstefnuna um SIS matskerfin lýkur á miðnætti í kvöld þann 23. júní. Ráðstefnan verður haldin á Grand Hóteli Reykjavík, Hvammi.

Vakin er athygli á Norrænu ráðstefnunni um sjaldgæfa sjúkdóma sem haldin verður í Kaupmannahöfn dagana 19. - 20. september 2016. Ráðstefnugjald fyrir fagfólk er DKK 3695 og fyrir aðra DKK 2995.

Ráðstefnan „Fjölskyldan og barnið“ er haldin á vegum vegum kvenna- og barnasviðs hefur verið árviss viðburður á Landspítala Háskólasjúkrahúsi frá 2010. Ráðstefnan verður þann 30. september næst komandi og er ætluð starfsfólki sviðsins sem og öðru fagfólki.

Í dag þann 8. júní voru veittir styrkir úr styrktarsjóði Greiningar- og ráðgjafarstöðvar ríkisins til minningar um Þorstein Helga Ásgeirsson. Sjóðurinn var stofnaður 8. júní 1995 en þann dag hefði Þorsteinn Helgi orðið 5 ára gamall. Hann lést 20. janúar 1995. Frumkvöðlar að stofnun sjóðsins voru móðurbræður Þorsteins Helga, þeir Gunnar, Sveinn og Guðmundur Hanssynir, en foreldrar hans, Magnea Hansdóttir og Ásgeir Þorsteinsson, lögðu sjóðnum einnig til stofnfé. Sjóðurinn aflar fjár með sölu samúðarkorta. Markmið styrktarsjóðsins er að stuðla að aukinni þekkingu á þroskaröskunum og fötlunum barna með því að styrkja fagfólk til framhaldsmenntunar og rannsóknarstarfa. Veitt er árlega úr sjóðnum á fæðingardegi Þorsteins Helga, þann 8. júní. Hefur starfsfólk Greiningarstöðvar að jafnaði forgang að styrkjum úr sjóðnum.

Þann 30. júní verður ráðstefna um Mat á stuðningsþörf barna og fullorðinna „Supports Intensity Scale®“ (SIS-C og SIS-A) á Grand Hótel Reykjavík.

Vorráðstefna Greiningar- og ráðgjafarstöðvar ríkisins sem haldin var 12. og 13. maí síðastliðinn var vel sótt. Ráðstefnan var sú 31. í röðinni og að þessu sinni var umfjöllunarefnið „Litróf fatlana – Sjaldan er ein báran stök“ en Greiningarstöðin fagnar einmitt 30 ára starfsafmæli í ár. Eygló Harðardóttir félags- og húsnæðismálaráðherra setti ráðstefnuna.

Barnaverndarstofa heldur ráðstefnu og námskeið dagana 1. og 2. júní 2016 á Grand Hótel Reykjavík sem fjallar um rannsókn og meðferð mála þegar grunur er um að fatlað barn hafi sætt ofbeldi.

Rarelink heldur fjórðu norrænu ráðstefnuna um sjaldgæfa sjúkdóma í Kaupmannahöfn 19.-20. september 2016. Ráðstefnan er ætluð öllum sem áhuga hafa á, vinna við eða tengjast málefninu, svo og hagsmunasamtökum og stjórnendum á sviði velferðarþjónustu á Norðurlöndum.

Skráning á vorráðstefnu Greiningar- og ráðgjafarstöðar ríkisins sem haldin verður á Grand Hótel Reykjavík 12. og 13. maí næst komandi er í fullum gangi þessa dagana og skráningarfrestur hefur verið framlengdur til hádegis föstudaginn 6. maí.