Landssamtökin Þroskahjálp standa fyrir fræðslukvöldum í samvinnu við Velferðarráðuneytið um þær breytingar sem verða í lífi fatlaðra við það að komast á fullorðinsár.

Það hefur lengi verið vitað að þegar börn með einhvers konar sérstöðu passa ekki í „kassann“ á kerfið erfitt með takast á við það. Nýútkomin skýrsla ríkisendurskoðunar um geðheilbrigðisþjónustu við börn og unglinga, annað og þriðja þjónustustig, staðfesti það sem fagfólk og aðstandendur hafa lengi vitað. Kerfið er ekki alltaf að virka rétt. Börn eru allt of lengi á biðlistum og á meðan gerist oft lítið eða ekkert í þeirra málum, þroska þeirra og námi.

Alþjóðlegur dagur einhverfu er 2. apríl. Í tilefni dagsins setja Evrópsku einhverfusamtökin af stað langtíma kynningarátak undir slagorðunum: virðing, samþykki, þátttaka (e. respect, acceptance, inclusion).

Skráning á vorráðstefnu Greiningar- og ráðgjafarstöðar ríkisins 2016 er í fullum gangi þessa dagana. Yfirskriftin er Litróf fatlana - Sjaldan er ein báran stök og verður ráðstefnan haldin á Grand Hótel Reykjavík dagana 12.-13. maí næst komandi.

Á laugardaginn heimsækja tvær þýskar konur félagsmenn og áhugafólk um Downs-heilkenni og deila reynslu sinni af fræðslu, þjálfun og kennslu einstaklinga með Downs-heilkenni.

Á alþjóðadegi einhverfu þann 2. apríl verða haldnir styrktartónleikar í Gamla bíói þar sem fram koma Valdimar, Hjálmar og Júníus Meyvant.

Mánudagurinn 21. mars er alþjóðlegur dagur Downs heilkennis en þetta er í ellefta sinn sem slíkur dagur er haldinn. Fólk er hvatt til þess að vekja athygli á málefninu með því að láta raddir fólks með Downs heilkenni heyrast og fræða almenning um stöðu þess í samfélaginu.

Fyrir skömmu veitti Kristján Þór Júlíusson heilbrigðisráðherra sex milljónir króna samtals í styrki til 12 gæðaverkefna á sviði heilbrigðisþjónustu. Styrkir voru annars vegar veittir til verkefna sem miða að nýbreytni í verklagi innan heilsugæslunnar og hins vegar verkefna sem ætlað er að efla þverfaglegt samstarf. Sigríður Lóa Jónsdóttir sálfræðingur á Greiningarstöð hlaut styrk til verkefnisins „Að bera kennsl á einhverfu í ung- og smábarnavernd“

Landssamtökin Þroskahjálp halda opinn stefnumótunarfund að Háaleitisbraut 13, 4. hæð, laugardaginn 12. mars kl. 13:00 - 16:00. Tilefnið er að á þessu ári eru liðin fjörutíu frá stofnun Landssamtakanna Þroskahjálpar.

Nýlega birtist grein á vefsíðu Embættis landlæknis um stöðu þekkingar varðandi mataræði barna með ADHD eða einhverfu - staða þekkingar 2016. Höfundar efnis um AHDH og mataræði er dr. Bryndís Eva Birgisdóttir, dósent við Háskóla Íslands, og höfundur efnis um einhverfu og mataræði og um matvendni barna er dr. Anna Sigríður Ólafsdóttir, dósent við Háskóla Íslands.