Vorráðstefna Greiningar- og ráðgjafarstöðvar verður haldin dagana 11. - 12. maí 2017 á Hilton Reykjavík Nordica. Heiti ráðstefnunnar að þessu sinni er: Fötluð börn og ungmenni, heildræn þjónusta - árangur og áskoranir.

Nýtt smáforrit fyrir spjaldtölvur er komið út og var það kynnt á degi íslenskrar tungu þann 16. nóvember. Forritið nefnist Orðagull og er hannað fyrir elstu börn í leikskóla og yngstu börn í grunnskóla.

Þann 2. desember halda Landssamtökin Þroskahjálp ráðstefnu á Grand Hótel Reykjavík. Tilefnið er 40 ára afmæli samtakannna og alþjóðadagur fatlaðs fólks sem er 3. desember. Ráðstefnan stendur frá kl. 12:30 - 16:00.

Embætti landlæknis hefur gefið út endurskoðaðar leiðbeiningar um ung- og smábarnavernd og birt á vefsetri embættisins. Leiðbeiningarnar tóku gildi 9. nóvember síðastliðinn, eru ætlaðar fagfólki sem starfar á þessu sviði á landsvísu og eru gefnar út í samstarfi við Þróunarsvið heilsugæslunnar.

Þann 17. nóvember næst komandi verður haldið málþing um NPA en tilraunaverkefni um þetta form á þjónustu rennur út í lok þessa árs. Rýnt verður í reynsluna af verkefninu frá ólíkum sjónarhornum og horft til framtíðaruppbyggingar. Málþingið fer fram á Icelandair Hotel Reykjavík Natura.

Í dag þann 8. nóvember er árlegur dagur gegn einelti. Dagurinn er helgaður baráttunni gegn einelti í samfélaginu og er nú haldinn í sjötta sinn. Skólar, félags- og frístundamiðstöðvar, vinnustaðir og landsmenn allir eru hvattir til að hugleiða hvernig má stuðla að jákvæðara samfélagi fyrir alla.

Dagana 3. og 4. nóvember verða fræðadagar heilsugæslunnar haldnir á Grand Hóteli Reykjavík. Yfirskriftin er: Lífstíll - áskoranir heilsugæslu. Fræðadagarnir eru árlegur viðburður og kjörinn vettvangur fyrir fagfólk úr velferðarþjónustu til að auka við þekkingu sína og miðla reynslu.

Þann 30. október fagnaði CP félagið á Íslandi 15 ára afmæli sínu. Þennan dag 2001 söfnuðust á annað hundrað manns saman á Æfingastöðinni að Háaleitisbraut og stofnuðu félagið. Aðstandendur og fleiri sáu þörf fyrir félag sem sérhæfði sig í þekkingu og vinnu með einstaklingum með CP.

Samband íslenskra sveitarfélaga hefur gefið út skýrsluna: Gráu svæðin í velferðarþjónustunni. Skýrslan er unnin af lögfræði- og velferðarsviði sambandsins og er liður í stefnumörkun um að fækka gráum svæðum. Velferðarþjónustan er rædd út frá víðtækum skilningi og varðar félagslega þjónustu, heilbrigðisþjónustu, skólaþjónustu, málefni aldraðra og fatlaðs fólks.

Í dag 27. október er alþjóðlegur dagur iðjuþjálfunar. Víða um heim nýta iðjuþjálfar tækifærið til að kynna fag og störf á fjölbreyttum vettvangi.