Myndbandið „Amazing Things Happen“ hefur nú verið talsett á íslensku og kallast: Frábærir hlutir gerast. Þetta fræðslumyndband er ætlað til að efla vitund fólks um einhverfu, einkum ungs fólks þannig að í framtíðinni megi stuðla að auknum skilningi og virðingu gagnvart börnum og fullorðnum á einhverfurófi.

Dagana 17. - 18. ágúst n.k. verður ráðstefnan Special Care 2017 haldin í Hörpu. Efni ráðstefnunnar er tvíþætt, annars vegar er fjallað um fæðuinntökuerfiðleika hjá börnum og hins vegar um munnheilsu fólks á öllum aldri með sérþarfir.

Verkefnið „Einhverfa í Evrópu“ (e. Autism Spectrum Disorders in the European Union – skst. ASDEU) er samstarfsverkefni 14 landa þar á meðal Íslands. Þú getur kynnt þér ASDEU verkefnið nánar með því að smella hér. Fjöldi fullorðinna á einhverfurófi sem hefur þörf fyrir ýmis konar stuðning í daglegu lífi er vaxandi. Við vitum ekki nægilega mikið um þá þjónustu og umönnun sem þegar er til staðar fyrir einhverfa né heldur hversu vel nærsamfélag fólks er í stakk búið til að veita þjónustuna hér á landi og víðar.

Við leitum nú til fagfólks og fjölskyldna sem tengjast einhverfum börnum undir sex ára aldri og hafa fengið þjónustu (skimun, greiningu, íhlutun) til dæmis á heilsugæslu, í leikskóla eða hjá sérfræðingum. Með spurningakönnun viljum við öðlast meiri þekkingu á þessum málum til að hægt sé að bæta stuðning við ung börn á einhverfurófi hér á landi.

Vakin er athygli á því að þessa dagana er verið að uppfæra tölvukerfi stofnunarinnar og mun það taka nokkurn tíma. Af þessum sökum geta orðið tafir á vinnslu skjala og aðgengi að upplýsingum getur tekið lengri tíma en áður.

Við á Greiningar- og ráðgjafarstöð þökkum öllum þátttakendum, fyrirlesurum og velunnurum fyrir góða samveru á vorráðstefnunni - hlökkum til að sjá ykkur á næsta ári.

Sjúkratryggingar Íslands hafa gert samninga við sex fyrirtæki á höfuðborgarsvæðinu um viðgerðarþjónustu vegna hjálpartækja. Samningar taka gildi 15. maí næst komandi.

Föstudaginn 19. janúar kl. 09:00 - 12:15 verður málþing á Grand Hótel Reykjavík sem fjallar um mannréttindi og algilda hönnun. Málþingið er haldið í samstarfi Reykjavíkurborgar, Rannsóknaseturs í fötlunarfræðum, Landssamtakanna Þroskahjálpar og Öryrkjabandalags Íslands. Hafa allir borgarbúar

Vakin er athygli á málþingi um þýðingu Sáttmála Sameinuðu þjóðanna um réttindi fatlaðs fólks fyrir þjónustu og starfsemi íslenskra sveitarfélaga. Málþingið er haldið á Grand Hóteli Reykjavík 16. maí frá 13:00 - 17:00.

Ráðstefnan verður dagana 11. og 12. maí á Hilton Reykjavík Nordica.