Mennta- og menningarmálaráðuneytið hefur gefið út íslenska þýðingu á skýrslu um niðurstöður úttektar á menntun án aðgreiningar á leik-, grunn- og framhaldsskólastigi á Íslandi sem fram fór frá nóvember 2015 til ársbyrjunar 2017. Skýrslan var unnin af Evrópumiðstöð um nám án aðgreiningar og sérþarfir.

Vakin er athygli á þessari ráðstefnu sem haldin verður föstudaginn 24. nóvember á Hótel Natura í Reykjavík. Fjallað verður um það hvernig hægt er að styðja fólk sem notar óhefðbundnar tjáskiptaleiðir við að fara með sjálfræði sitt. Ráðstefnan er á vegum réttindavaktar velferðarráðuneytisins og haldin í samvinnu við Öryrkjabandalag Íslands, Landssamtökin Þroskahjálp, Samband íslenskra sveitarfélaga og Háskóla Íslands.

Vakin er athygli á ráðstefnunni Þjóðarspeglinum, en hún fjallar um rannsóknir í félagsvísindum og verður haldin í Háskóla Íslands föstudaginn 3. nóvember næst komandi.

Í dag 27. október er alþjóðlegur dagur iðjuþjálfunar. Iðjuþjálfar nýta tækifærið til að kynna fag og störf á fjölbreyttum vettvangi. Iðjuþjálfafélag Íslands (IÞÍ) var stofnað 1976 og telur um 300 félagsmenn.

ADHD samtökin efna til málþings á Hótel Hilton Nordica, föstudaginn 27. október undir yfirskriftinni „Ferðalag í flughálku“. Markmiðið er að varpa ljósi á stöðu ungmenna með ADHD. Hvernig er staðan í dag og hvaða úrræði eru í boði?

Í dag þann 25. október er alþjóðlegur dagur Spina Bifida og Hydrocephalus (í. hryggrauf og vatnshöfuð). Dagurinn er nýttur til að vekja athygli á málefnum þessa hóps.

Paralympic dagurinn er kynningardagur á íþróttastarfi fatlaðra á Íslandi. Að þessu sinni er hann laugardaginn 21. október og líkt og síðustu ár fer hann fram í frjálsíþróttahöllinni í Laugardal.

Vakin er athygli á fyrirlestri Gerard Quinn, prófessors við lagadeild National University of Ireland, Galway í hátíðarsal Háskóla Íslands, þriðjudaginn 31. október kl. 12.00-13.30

Fræðadagar heilsugæslunnar verða dagana 2. - 3. nóvember næst komandi. Yfirskriftin að þessu sinni er: Framsækin heilsugæsla - gæðaþróun í brennidepli. Þetta sjónarhorn verður notað til að skoða viðfangsefni heilsugæslu frá ýmsum hliðum.

Við vekjum athygli á því að spurningakönnunin um þjónustu við fullorðið fólk á einhverfuróf er opin út október mánuð. Enn er því tækifæri til að svara og þín þátttaka skiptir máli!