Fréttir

Nýtt námskeið á vegum Greiningar- og ráðgjafarstöðvar; Systkinasmiðjan, verður haldið um næstu helgi. Ljóst er að mikil þörf er á námskeiði af þessu tagi því það fylltist nánast samdægurs og því hefur verið bætt við nýju námskeiði 21. - 22. ágúst nk.

Greiningar- og ráðgjafarstöð ríkisins auglýsir laust til umsóknar starf talmeinafræðings á Eldri barna sviði. Á sviðinu er veitt þjónusta við börn á grunn- og framhaldsskólaaldri og fjölskyldur þeirra.

Starfsfólk Greiningar- og ráðgjafarstöð fagnaði því í gær í að Alþingi samþykkti nýlega endurskoðuð lög um stofnunina sem taka gildi 1. janúar 2022. Við þau tímamót breytist nafni hennar í Ráðgjafar- og greiningarstöð og þar með meira lagt upp úr ráðgjafarhlutverki stofnunarinnar en einnig er skerpt á tilgangi hennar.

Nýtt námskeið á vegum Greiningar- og ráðgjafarstöðvar, Systkinasmiðjan verður haldið helgina 26. og 27. júní nk. Systkinasmiðjan á Greiningar og ráðgjafarstöð er fyrir krakka á aldrinum 8 - 14 ára sem eiga það sameiginlegt að eiga systkini með fötlun.

Greiningar- og ráðgjafarstöð ríkisins auglýsir laust til umsóknar starf ráðgjafa á Eldri barna sviði. Á sviðinu er veitt þjónusta við börn á grunn- og framhaldsskólaaldri og fjölskyldur þeirra.

Hulda Björk Svansdóttir er móðir Ægis Þórs sem er níu ára drengur með Duchenne vöðvarýrnum. Hulda Björk og Ægir Þór hafa verið óþreytandi við að vinna að aukinni vitund um sjúkdóminn og aðra sjaldgæfa sjúkdóma. Þau leita nú að krökkum og aðstandendum þeirra á landbyggðinni sem væru tilbúin að taka þátt í skemmtilegu verkefni í súmar.

Vorráðstefnu Greiningar- og ráðgjafarstöðvar lauk föstudaginn 30. apríl síðastliðinn en hún var alfarið haldin í streymi þetta árið. Í fyrra tókst að bjóða 100 manns í sal miðað við þáverandi samkomutakmarkanir en aðrir tóku þátt í streymi. Að ári er vonast til að öll sem hafa áhuga á að mæta á staðinn og hitta nýja og gamla kollega geti mætt og tekið þátt staðbundið á Hilton Reykjavík Nordica hótelinu. Tekið skal fram að ráðstefnan að ári verður þó lika haldin í streymi, enda er það verklag sem er komið til að vera fyrir þau sem eiga ekki heimangengt.

Greiningar- og ráðgjafarstöð vekur athygli á að tveimur námskeiðum hefur verið bætt við í námskeiðsdagskrá vorannar. Annars vegar Atferlisíhlutun fyrir börn með þroskafrávik þann 19. og 20 maí og hinsvegar AEPS, færnimiðað matskerfi 2. og 3. júní.

Vorráðstefna Greiningar- og ráðgjafarstöðvar verður haldin á morgun fimmtudaginn 29. apríl . september og föstudaginn 30. apríl. Ráðstefnunni verður alfarið streymt frá Hilton Reykjavík Nordica hótelinu. Ráðsstefna þessi er stærsti faglegi vettvangur þeirra sem tengjast börnum með þroskafrávik.

Í ljósi núverandi samkomutakmarkana, sem taka gildi 15. apríl og standa í þrjár vikur, er ljóst að vorráðstefna Greiningar- og ráðgjafarstöðvar 29. og 30 apríl verður alfarið haldin í streymi. Við stefnum því á að halda metnaðarfulla og áhugaverða ráðstefnu í því framúrskarandi tækniumhverfi sem Reykjavík Hilton Nordica hótelið býður upp á fyrir þátttakendur í streymi.