Fréttir

Í dag er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Sameinuðu þjóðirnar tilkynntu árið 2011 að dagurinn skyldi hafa þetta hlutverk og dagsetningin er ekki tilviljun því Downs-heilkenni orsakast af þrístæðu á litningi 21.

Iðjuþjálfi óskast til starfa á Greiningar- og ráðgjafarstöð ríkisins. Um er ræða afleysingastöðu á fagsviði langtímaeftirfylgdar, til að minnsta kosti sex mánaða, með möguleika á fastráðningu seinna.

Ráðgjafi í atferlisíhlutun óskast til starfa á fagsviði langtímaeftirfylgdar á Greiningar- og ráðgjafarstöð ríkisins. Starfssvið: Ráðgjöf og eftirfylgd til fjölskyldna og fagfólks vegna barna með alvarleg þroskafrávik og íþyngjandi hegðun. Vinna í þverfaglegu teymi. Þátttaka í fræðslu- og rannsóknarstarfi.

Dagur sjaldgæfra sjúkdóma var í gær þann 28. febrúar. Degi sjaldgæfra sjúkdóma er fagnað ár hvert á síðasta degi febrúarmánaðar.

Félag talmeinafræðinga á Íslandi, FTÍ, stendur fyrir málþingi um tjáskiptatækni undir yfirskriftinni Tjáskipti skipta máli á Grand Hótel þann 8. mars 2018 frá 13-16. Málþingið er haldið af tilefni af Evrópudegi talþjálfunar en þemað í ár er Tjáskiptatækni.

Öryrkjabandalag Íslands stendur fyrir málþingi þann 1. mars kl. 12:00-16:00 á Hótel Hilton Reykjavík Nordica 2. hæð. Markmiðið með málþinginu er að varpa ljósi á þjónustu sem í boði er fyrir nemendur með fatlanir og raskanir. Hver er staðan í dag, hvaða úrræði eru í boði og hvað má betur fara?

Sálfræðingar óskast til starfa! Um er að ræða tvær afleysingastöður til eins árs, annars vegar á fagsviði eldri barna (6-18 ára) og hins vegar fagsviði yngri barna (0-6 ára).

Umræðu- og upplýsingafundur verður haldinn á vegum Sambands íslenskra sveitarfélaga á Grand hótel Reykjavík föstudaginn 9. febrúar kl. 13:00-16:10. Fjallað verður um málefni barna með alvarlegar geð- og þroskaraskanir.

Vakin er athygli á nýju fræðsluefni í formi „verkfærakistu“ eða handbókar með hagnýtum ráðum um kennslu nemenda á einhverfurófi. Efnið má finna á vefsíðu Einhverfusamtakanna og höfundar þess eru þær Ásgerður Ólafsdóttir og Sigrún Hjartardóttir kennarar og einhverfuráðgjafar.

Föstudaginn 9 mars kl. 09:00- 15:30 verður haldið námskeið í Gerðubergi um CAT-kassann og CAT-appið.