Fréttir

Embætti landlæknis hefur gefið út skýrslu um geðheilbrigðismál barna og ungmenna, sem unnin er í tengslum við evrópska samstarfsverkefnið EU Compass for Action on Mental Health and Well-Being. Skýrslan inniheldur stöðugreiningu og framtíðarsýn innan málaflokksins og ábendingar um brýnustu forgangsmál.

Þann 30. maí næst komandi verður haldið málþing um stefnumótun smáríkja á sviði sjaldgæfra sjúkdóma. Málþingið verður í Þjóðminjasafni Íslands frá kl. 08:30 - 15:30. Takið daginn frá!

Vorráðstefnan í ár var sú 33. í röðinni og fullt út úr dyrum. Forseti Íslands Guðni Th. Jóhannesson ávarpaði ráðstefnugesti og lagði meðal annars áherslu á það að fjölbreytni og frelsi væru undirstaða öflugs samfélags.

Þann 8. maí næst komandi verður haldin ráðstefna á vegum velferðarráðuneytisins um snemmtæka íhlutun í málefnum barna á Íslandi (SIMBI). Ráðstefnan verður á Hilton Reykjavík Nordica frá kl. 09:00 - 16:00.

Vorráðstefnan 2018 verður vel sótt því um fimm hundruð manns hafa boðað komu sína. Skráningu lauk í gær og við hlökkum til að sjá ykkur!

Miðvikudaginn 20. júní verður haldin ráðstefna um Mat á stuðningsþörf barna, The Supports Intensity Scale - Children‘s Version (SIS-C) á Grand Hótel Reykjavík.

Roro sem framleiðir Lulladoll dúkkurnar færði Greiningar- og ráðgjafarstöð tvær að gjöf. Tilefnið er april mánuður sem tileinkaður er einhverfu.

Styrktarfélag barna með einhverfu stendur fyrir tónleikum föstudaginn 6. apríl í Gamla bíói í Reykjavík.

Alþjóðlegur dagur einhverfu er að þessu sinni tileinkaður stúlkum og konum á einhverfurófi. Af því tilefni beina Sameinuðu þjóðirnar sérstakri athygli að þeirri mismunun og áskorunum sem einhverfar konur mæta í lífinu. Bent er á mikilvægi valdeflingar til að auka þátttöku þeirra á öllum sviðum samfélagsins ekki síst þegar kemur að stefnumörkun og ákvarðanatöku.

Einhverfusamtökin stóðu fyrir málþingi um tómstundir fyrir skömmu og dagskráin var fjölbreytt. Málþing sem tengjast málefnum barna og fullorðinna á einhverfurófi er árviss viðburður og haldið í tengslum við alþjóðlegan dag einhverfu sem er 2. apríl.