Sálfræðingurinn Sigríður Lóa Jónsdóttir, sem einnig er starfsmaður Greiningar og ráðgjafarstöðvar, var nýlega í spjalli í útvarpsþættinum Samfélagið í nærmýnd á Rás 1 um um niðurstöður viðamikillar Evrópurannsóknar um einhverfu í ungum börnum. Í viðtalinu segir Sigríður nánar frá rannsókninni og aðstæðum einhverfra barna í einkar áhugaverðu spjalli.

Ásmundur Einar Daðason, félags- og barnamálaráðherra, og Bergsteinn Jónsson, framkvæmdastjóri UNICEF á Íslandi, undirrituðu nýlega tímamótasamstarfssamning fyrir réttindi barna á Íslandi. Samningurinn er undirritaður í tilefni af 30 ára afmæli Barnasáttmála Sameinuðu þjóðanna þann 20. nóvember næstkomandi.

Heilbrigðisþing 2019 verður haldið undir yfirskriftinni Siðferðileg gildi og forgangsröðun þann 15. nóvember næstkomandi frá kl. 09:00 til 15:45. Markmiðið með þinginu er að skapa vettvang fyrir kynningu og umræður um helstu gildi og siðferðilegar áherslur sem leggja beri til grundvallar við forgangsröðun í heilbrigðiskerfinu.

Tveir starfsmenn Greiningar- og ráðgjafarstöðvar (GRR), sálfræðingarnir Sigríður Lóa Jónsdóttir og Evald Sæmundsen, eru með meðhöfundar að nýrri grein sem birtist nýlega í Journal of Autism and Developmental Disorders sem nefnist: Early Detection, Diagnosis and Intervention Services for Young Children with Autism Spectrum Disorder in the European Union (ASDEU): Family and Professional Perspectives.

Ritari óskast til starfa á Greiningar- og ráðgjafarstöð ríkisins til starfa að mestu á sviði langtímaeftirfylgdar, sem sinnir börnum á aldrinum 6-18 ára, með auknar stuðningsþarfir og þörf fyrir sérhæfða ráðgjöf.

Laugardaginn 26. október standa Landssamtökin Þroskahjálp fyrir ráðstefnunni Völundarhús sjálfræðis: Fíkni- og geðheilbrigðisvandi fólks með þroskahömlun og einhverfu á Grand Hotel, kl. 8.45-12.20.

Út er komin skýrsla starfshóps á vegum heilbrigðisráðuneytis sem heitir einfaldlega Hjálpartæki – skýrsla starfshóps. Hópurinn leggur til tillögur í sex liðum, m.a. að endurskoða reglugerðir er lúta að hjálpartækjum og skilgreiningu á hugtakinu hjálpartæki í samræmi við samning Sameinuðu þjóðanna um réttindi fatlaðs fólks, einfalda skipulag við afgreiðslu og úthlutun hjálpartækja, endurskoða greiðsluþátttöku vegna hjálpartækja með það að markmiði að draga úr kostnaði notenda svo dæmi séu tekin.

ADHD samtökin standa fyrir öflugu námskeiðshaldi og málþingi 1. nóvember undir yfirskriftinni "Þú vinnur með ADHD". Sjá nánari upplýsingar hér um málþingið. Námskeiðin sem standa fyrri dyrum er annars vegar fyrir aðstandendur barna á aldrinum 13-18 ára og hinsvegar fyrir fræðslunámskeið fyrir fullorðna með ADHD.

ADHD samtökin efna til málþings á Grand Hótel, föstudaginn 1. Nóvember nk. um ADHD og vinnumarkaðinn. Yfirskrift málþingsins er „Þú vinnur með ADHD“. Markmiðið með málþinginu er að varpa ljósi á stöðu einstaklinga með ADHD á vinnumarkaði.

Skráningu er að ljúka á hið sívinsæla námskeið ADHD samtakanna, Taktu stjórnina - fræðslunámskeið fyrir fullorðna með ADHD. Námskeiðið stendur í 10 klukkustundir - fimm skipti, 2 klukkukstundir í senn og það hefst þriðjudaginn 5. nóvember nk. Fjöldi þátttakenda er takmarkaður - fyrstur kemur, fyrstur fær!