Landssamtökin Þroskahjálp hafa í samvinnu við landlækni og heilbrigðisráðuneytið búið til upplýsingabækling um kóróna-veiruna á auðlesnu máli. Það er mikilvægt að allir fái réttar og góðar upplýsingar um kóróna-veiruna, líka fólk með þroskahömlun.

Öllum námskeiðum Greiningar- og ráðgjafarstöðvar í mars er frestað en þetta eru námskeiðin Tákn með tali, grunnnámskeið (16. mars), Ungmenni með einhverfu og önnur þroskafrávik (17.-18. mars) og Atferlisíhlutun fyrir börn með þroskafrávik (30. og 31. mars).

Í ljósi þess að Covid-19 hefur breiðst út á Íslandi vill Greiningar- og ráðgjafarstöð ríkisins benda á eftirfarandi: Frá og með 19. mars eiga allir Íslendingar og aðrir með búsetu á Íslandi sem koma til landsins að fara í 14 daga sóttkví. Ef þú ert í þeim hópi eða ert með einhver inflúensueinkenni, þá vinsamlegast komdu ekki í boðaðan tíma hjá Greiningar- og ráðgjafarstöð ríkisins. Vinsamlegast hringdu í s. 5108400 til að fá nánari upplýsingar um nýjan tíma.

Við vorum að setja dagskrá Vorráðstefnu 2020 á vefinn okkar!

Boðið verður upp á framhaldsnám í hagnýtri atferlisgreiningu í Háskóla Íslands frá og með haustinu 2020. Með þessu er verið að bregðast við ákalli um að fjölga sérfræðingum í samfélaginu sem hafa þekkingu á árangursríkum vinnubrögðum og geta skapað jákvæðar og hvetjandi námsaðstæður fyrir fjölbreyttan hóp barna.

Langtímaeftirfylgd Greiningar- og ráðgjafarstöðvar óskar eftir öflugum liðsmanni í þverfaglegt teymi sviðsins. Starfshlutfall er 80-100% og æskilegt er að umsækjandi geti hafið störf sem fyrst eða eftir nánara samkomulagi. Langtímaeftirfylgd sinnir fötluðum börnum og unglingum sem ætla má að þurfi sérhæfða þjónustu til lengri tíma.

Mjög djúp lægð gengur yfir landið fyrri hluta dagsins i dag, föstudaginn 14. febrúar og rauð viðvörun í gildi á stórum hluta landsins. Greiningar- og ráðgjafarstöð lokuð meðan rauð viðvörun er í gildi.

Nú hefur verið opnað fyrir skráningu á árlega vorráðstefnu Greiningar- og ráðgjafarstöðvar sem haldin verður 7. og 8. maí næstkomandi. Yfirskrift ráðstefnunnar í ár er Mennt er máttur – Fjölbreytt þjónusta fyrir nemendur með sérþarfir á öllum skólastigum.

Alþjóðlegur dagur sjaldgæfra sjúkdóma er 29. febrúar. Föstudaginn 28. febrúar standa Einstök börn og Greiningar- og ráðgjafarstöð fyrir málþingi á Grand Hótel Reykjavík frá 12:00-15:00.

Íþróttaskóli fatlaðra í Reykjavík hefst laugardaginn 1. febrúar næstkomandi í íþróttahúsi ÍFR Hátúni 14. Kennt verður á laugardögum frá kl.11.00 til 11.50 og stendur námskeiðstíminn til 4. apríl.