Þrjú áhugaverð námskeið fyrir aðstandendur og fagfólk sem vinnur með ungmennum með þroskaraskanir verða kennd í fjarkennslu á vegum Greiningar- og ráðgjafarstöðvar í apríl.

Tvær stöður félagsráðgjafa eru lausar til umsóknar á Greiningar- og ráðgjafarstöð. Önnur staðan er á Eldri barna sviði en hin staðan er á Yngri barna sviði og er tímabundin ráðning.

Dagskrá árlegrar vorráðstefnu Greiningar- og ráðgjafarstöðvar er tilbúin og aðgengileg á vef GRR. Yfirskrift ráðstefnunnar að þessu sinni er: Börn með fatlanir - Viðhorf og valdefling.

Norræn ráðstefna um fæðuinntökuerfiðleika barna verður haldin dagana 26. – 27. ágúst 2021 og verður hún eingöngu rafræn í ár. Ráðstefnan er skipulögð af norrænum þverfaglegum hópi sérfræðinga sem hafa sérstakan áhuga á erfiðleikum með fæðuinntöku hjá börnum.

Árleg Vorráðstefna Greiningar- og ráðgjafarstöðvar verður haldin 29. - 30. apríl næstkomandi. Yfirskrift ráðstefnunnar er: Börn með fatlanir - Viðhorf og valdefling. Búið er að opna fyrir snemmskráningu.

Greiningar- og ráðgjafarstöð vekur athygli á nýju námskeiði, Kynheilbrigði I sem haldið verður þann 1. mars næstkomandi. Fjallað er um kynheilbrigði og kynfræðslu út frá sjónarhóli fatlaðs fólks, af hverju þessi fræðsla er mikilvæg og hvaða þáttum ber að huga að í námsumhverfinu.

Greiningar- og ráðgjafarstöð ríkisins auglýsir laust til umsóknar starf félagsráðgjafa á Yngri barna sviði. Á sviðinu er veitt þjónusta við ung börn og þau börn sem eru á leikskólaaldri og fjölskyldur þeirra. Um er að ræða afleysingarstarf til eins árs með möguleika á framlengingu.

Hin árlega BUGL-ráðstefna Landspítala var haldin föstudaginn 29. janúar í opinni útsendingu á samfélagsmiðlum Landspítala og er ráðstefnan aðgengileg eftir á, á Facebook síðu spítalans. Yfirskrift ráðstefnunnar var "Ég má vera öðruvísi: Margbreytileiki einhverfurófsins". Fjallað verður um einhverfu frá ýmsum sjónarhornum.

Landssamtökin Þroskahjálp hafa gefið út þrjú myndbönd á fimm tungumálum um réttindi fatlaðra barna af erlendum uppruna. Myndböndin eru liður í aukinni þjónustu samtakanna við fatlað fólk af erlendum uppruna og fjölskyldur þeirra með styrk frá Þróunarssjóði innflytjendamála.

Greiningar- og ráðgjafarstöð (GRR) barst á dögunum góð gjöf frá Öryggismiðstöð Íslands en það var fyrrverandi starfsmaður Greiningar- og ráðgjafarstöðvar og núverandi starfsmaður Öryggismiðstöðvarinnar, Hrönn Birgisdóttir iðjuþjálfi, sem kom færandi hendi og gaf stofnuninni Tobii Dynavox Indi tjáskiptatölvu með íslenskum talgervli