Gerð einstaklingsnámskrár í grunnskóla

Eyðublöð um stuðningsáætlanir og fleira frá Barna- og fjölskyldustofu

Eyðublöð vegna farsældar | Barna- og fjölskyldustofa

Dæmi um viðeigandi og óviðeigandi markmið

Viðeigandi markmið

• Jón biðji um hjálp kennara 5 sinnum á dag.
• Jón skiptist á með einu öðru barni að keyra niður bílabrautina.
• Jón klæði sig sjálfur í úlpu, fyrir utan að setja rennilásinn í sleðann.
• Jón vinni sjálfstætt í stærðfræðitímum í 15 mínútur af 40 mínútna tíma.

(Muna að halda skráningar svo markmið sé mælanlegt).

Óviðeigandi markmið

• Efla félagsfærni Jóns
• Jón leiki við krakkana
• Hvetja Jón til að klæða sig sjálfur
• Auka orðaforða Jóns

(Þetta geta verið dæmi um langtímamarkmið)

Hugmyndir af félagsfærniþáttum sem hægt er að setja í einstaklingsnámskrá

Einstaklingsþættir

• Matarvenjur, hreinlætisvenjur, svefn/hvíldarvenjur, fatnaður/klæðnaður.
• Einbeiting (geta eirt við sama verkefni ákveðinn tíma, ljúka verkefni, trufla ekki aðra).
• Frumkvæði (prófa eitthvað nýtt, nálgast aðra að fyrra bragði, bjóða fram aðstoð).
• Sjálfstæði (að bjarga sér, mótmæla áreitni, geta gert/sagt án aðstoðar).
• Sjálfstraust (nota jákvæð orð um sig, leggja í að prófa ný verkefni).
• Sjálfsstjórn (geta beðið, stjórna sér í samskiptum, hemja skap sitt, taka gagnrýni).
• Tjáning (tala við aðra, svara spurningum, tjá skoðanir).
• Málþroski (framburður, orðaforði, málskilningur).
• Fínhreyfingar (teikna, skrifa, önnur handavinna).
• Grófhreyfingar (ganga, hlaupa, klifra, stökkva).
• Líkamlegt úthald (geta hlaupið, hreyfa sig viðstöðulaust).

Félagsþættir

• Samskipti við önnur börn (vera öruggt með sig, bjóða öðrum til þátttöku, sýna samskiptavilja að fyrra bragði).
• Samskipti við starfsfólk (segja hópstjóra /kennara frá, leita eftir líkamlegri umönnun, biðja um aðstoð).
• Hegðun (fara eftir fyrirmælum, gegna hópstjóra/kennara/foreldrum).
• Afstaða til reglna (ræða um reglur, mótmæla óréttlátum reglum, fara eftir eða brjóta reglur).
• Framkoma (sýna kurteisi s.s. að þakka fyrir, heilsa og kveðja, upplitsdjarft, svara).
• Setja sig í spor annarra (sýna samúð, gleðjast, hrósa).

Hvernig veit ég hvort að árangur náðist?

Margir matslistar og form eru til, til að meta árangur. Hér eru nokkrar hugmyndir aðslíkum:

• Goal attainment scale
• Designing personalized learning experiences
• Designing personalized learning for every student (Dianne L. Ferguson).

 

AEPS

AEPS er vinnutæki sem nýtist okkur í að búa til einstaklingsnámskrá og skipuleggja íhlutun. Áhersla er á samstarf foreldra og fagfólks. Færni er metin á sex þroskasviðum: Fín- og grófhreyfingum, vitrænum þáttum, aðlögun, félagslegum tjáskiptum og félagslegu samspili.

,,Grái listinn“ úr bókinni Behavioral intervention for young children with autism.

ABLLS-R

(Assessment of basic language and learning skills).

Námsskrártengt matstæki sem metur færni 2-9 ára barna með einhverfu eða aðrar þroskarasakanir.

25 þættir og 544 atriði eru metin. Þessum þáttum er svo skipt niður í 4 svið:

1. Grunnfærni
2. Námsfærni
3. Sjálfshjálp
4. Hreyfifærni

AFLS

(Assessment of functional living skills)

Skiptist í sex flokka. Hentar vel fyrir skóla.

VB MAPP

Þessi listi er miðaður út frá börnum með dæmigerðan þroska frá 0-4 ára. Er oft notaður fram að grunnskólagöngu.

Hér er hægt að nálgast PDF útgáfu um Gerð einstaklingsnámskrár

Heimildir

Angela Novak Amado, Ph.D. and Marijo Mc Bride, M.Ed. (2001). Increasing person-centered thinking: Improving the quality of person-centered planning. https://rtc.umn.edu/docs/pcpmanual1.pdf

Diane M. Browder. (2001). Curriculum and assessment for students with moderate and severe disabilites. The Guilford Press.

Jóna Ingólfsdóttir (munnleg heimild, 2012).

Reglugerð um stuðning við nemendur með sérþarfir í grunnskóla nr. 585/2010

© Rakel Pálsdóttir, Ráðgjafar- og greiningarstöð, nóvember 2024.