AEPS, færnimiðað matskerfi - fjarkennsla (0325)

Kennt í fjarkennslu

Dagsetning og tími: 12. og 13. mars 2024, frá 09:00-15:00, kennt í fjarfundarbúnaði. Í framhaldi af námskeiði er boðið upp á 3 klukkustundir í hóphandleiðslu en tími hennar er ákveðinn með þátttakendum. Samtals 15 klukkustundir. 

Verð: Fagaðili: 71.400 kr.-. Námskeið þetta er eingöngu ætlað fagaðilum.

Hverjum er námskeiðið ætlað?
Námskeiðið er ætlað starfsfólki sem starfar við ráðgjöf, þjálfun eða stuðningi 0-6 ára barna með þroskafrávik. Sérstaklega er mælt með þessu námskeiði fyrir sérkennslustjóra leikskóla og fyrir þá sem sinna stuðnings- og sérkennslu á yngsta stigi grunnskóla.

Hámarksfjöldi þátttakenda:
Lágmarksfjöldi þátttakenda á þessu námskeiði er 12 og hámarksfjöldi er 20.

Lýsing
AEPS-matskerfið (Assessment, Evaluation, Programming System for Infants and Children) er hagnýtt tæki sem nýtist við gerð einstaklingsnámskrár. Lögð er áhersla á samstarf foreldra og starfsmanna við gerð markmiða og sérstakur matslisti fyrir foreldra fylgir. Á námskeiðinu verður farið yfir hvernig AEPS-matskerfið nýtist til að meta færni barna á sex þroskasviðum: Fín- og grófhreyfingum, færni í daglegum athöfnum, vitsmunaþætti, félagslegum tjáskiptum og félagslegum samskiptum. Þátttakendur fá kennslu í að leggja listann fyrir, nýta niðurstöður við gerð einstaklingsnámskrár og skipuleggja íhlutun í framhaldinu.

Námskeiðinu er skipt á tvo daga. Á fyrri deginum er farið yfir bakgrunn og fyrirlögn AEPS. Á seinni deginum er farið í úrvinnslu og hvernig unnið er með listann við gerð einstaklingsáætlana og í íhlutun. Lögð er áhersla á hópavinnu á námskeiðinu til að þátttakendur tileinki sér vinnubrögðin. Að þessum tveimur dögum loknum er hóphandleiðsla í þrjú skipti þar sem þátttakendur eru aðstoðaðir við að nota AEPS og fá tækifæri til að deila reynslu sinni með öðrum. Dagsetningar handleiðslunnar verða ákveðnar í samráði við þátttakendur en gott aðgengi er að leiðbeinendum ef spurningar vakna.

Markmið
Að þátttakendur:

• þekki bakgrunn og uppbyggingu AEPS matskerfisins
• geti lagt það fyrir og nýtt niðurstöður við gerð einstaklingsáætlana og skipulagningu íhlutunar
• nýti AEPS til að efla samstarf foreldra og fagfólks við að setja markmið og velja leiðir til að auka færni barnsins.

Umsjón:
Herdís Hersteinsdóttir, þroskaþjálfi
Inger J. Daníelsdóttir, þroskaþjálfi

Námskeiðsgjöld og greiðsluskilmálar

Skráningu á fjarnámskeiðið AEPS, færnimiðað matskerfi lýkur 4. mars 2024, en hægt verður að skrá sig á biðlista eftir það ef það er laust pláss. Eingöngu er hægt að ljúka skráningu með debet- eða kreditkortagreiðslu.

Hægt er að afskrá sig á námskeið skriflega áður en útgefinn skráningarfrestur þess er liðinn með því að senda tölvupóst á fraedsla@rgr.is. Í þeim tilfellum fæst námskeiðsgjald endurgreitt en innheimt er skráningar- og umsýslugjald að upphæð kr. 3.000,-. Möguleiki er á að láta greiðslu námskeiðs ganga upp í næsta námskeið.

Frekari upplýsingar um greiðsluskilmála má finna hér