Snemmtæk atferlisíhlutun (0325)

Staðsetning: Húsnæði Hjálpræðishersins, Suðurlandsbraut 72.

Dagsetning og tími: 18. og 19. mars 2025, klukkan 9:00-16:00. Samtals 14 klukkustundir. ATH! Boðið er upp á framhaldsnámskeiðið Skráning og þjálfun 20. mars.

Verð: Fagaðili: kr. 58.800.- Aðstandandi: kr. 23.500.-

Hverjum er námskeiðið ætlað?
Ætlað aðstandendum og starfsfólki sem starfa við skipulagningu og framkvæmd heildstæðrar atferlisíhlutunar fyrir börn með frávik í þroska í leikskólum.

Fjöldi þátttakenda:
Lágmarksfjöldi þátttakenda á þessu námskeiði er 13.

Lýsing
Farið er yfir helstu hugtök og aðferðir hagnýtrar atferlisgreiningar, kennslu nýrrar færni og hvernig unnt er að fyrirbyggja og draga úr óæskilegri hegðun í vinnu með börnum á leikskólaaldri. Einnig er fjallað um innihald og áherslur með hliðsjón af getu barnsins og um daglega framkvæmd og hlutverk ráðgjafa. Námskeiðið byggist á fyrirlestrum, umræðum og myndböndum af börnum á mismunandi getustigum.

Markmið
Að þátttakendur:

• þekki undirstöðuþætti heildstæðrar atferlisíhlutunar
• þekki leiðir til að fyrirbyggja og minnka óæskilega hegðun barna með þroskafrávik
• þekki til þeirrar reynslu af skipulagi og framkvæmd atferlisíhlutunar í leikskólum hér á landi.

Umsjón, skipulagning og kennsla:
Anna Marín Skúladóttir, atferlisfræðingur, Eva Ýr Heiðberg, atferlisfræðingur, Herdís Ingibjörg A. Svansdóttir atferlisfræðingur, Lilja Árnadóttir, atferlisfræðingur og Rakel Rós A. Snæbjörnsdóttir, atferlisfræðingur.

Námskeiðsgjöld og greiðsluskilmálar

Skráningu á námskeiðið Snemmtæk atferlisíhlutun lýkur 10. mars 2025, en hægt verður að skrá sig á biðlista eftir það ef það er laust pláss. Eingöngu er hægt að ljúka skráningu með debet- eða kreditkortagreiðslu.

Forföll/afskráningu þarf að tilkynna skriflega viku fyrir námskeiðsdag með því að senda tölvupóst á fraedsla@rgr.is og fær þá skráður þátttakandi fulla endurgreiðslu.

Nánari upplýsingar um greiðsluskilmála ásamt skráningar- og umsýslugjaldi má finna hér.